第16屆春史大獎電影節頒獎禮噚晚喺首爾舉行，賽前影帝大熱、有兩套戲爭獎嘅河正佑，最終要同《追擊者》嘅拍檔金允錫分享殊榮，而《追》片同時攞到得最佳新導演等4個獎項。
Daniel成新人王
出爐影后由《肩外的戀人》嘅李美妍爆冷擊敗金晶恩同文素利等勁敵，李美妍喺上屆影后金亞中手上接過瓷器獎座，好鬼吃力，場面搞笑。另一焦點落喺DanielHenney身上，佢同佢喺《我的父親》中飾演父子嘅金英哲結伴行紅地毯，結果分別獲頒最佳男新人同最佳男配角。計埋今次，Daniel已經第5次拎新人獎，名副其實係新人王。
頒獎禮大贏家係車仁表嘅《Crossing》，套片連掃最佳電影同導演等8個獎。