堅唔堅先？老實講，堅就唔叫傳聞啦！呢單嘢查實喺網界已流傳一排，最近有網站仲有相為證㖭！事緣有玩家搵張PCCWSIM卡插落部和記iPhone3G，因港版無SIMLock，基本上乜台都用得；據網友話，用其他台卡上3G網站，畫面唔夾iPhone之餘，仲要左移右移，睇得好辛苦；但當用PCCW卡上3G網頁或睇串流，竟然Fit晒！有網友就估PCCW已寫好對應iPhone嘅Software，好可能係繼和記後，第二間出iPhone嘅網絡商。事實係點暫未有定案，如果各位咁啱有iPhone又有PCCW卡，不妨試吓！
記者：陳國輝