呢個周末打世盃外圍賽，我隊愛隊德國作客對列支敦士登，雖則冇波歷克冇芬寧斯，不過都夠贏有餘，我就要德國「客勝」。
講開德國，早排佢哋入咗歐國盃決賽，但輸咗俾西班牙0:1，繼02世盃後又做二奶。場波佢哋被「運財智叻星」批評佢哋呢樣嗰樣，仲踩到佢哋一文不值，不過球圈就好似娛樂圈咁，有人sell靚樣、有人sell實力，德國好明顯唔係sell技術，係sell戰術同團體合作，唔啱睇都冇計，而且睇成績，佢哋淨係3次世盃冠軍同3次歐國盃冠軍都夠照，加埋7個亞軍，如果咁都叫屎波，咁好多名牌國家隊咪要搵窿捐？
讓球主客和：德國勝[-2]
心得：列支敦士登實在太弱
近5場往績：L
青蛙仔
睇德國波同埋英國波大，大個之後攻埋日本波，兼且對日本藝能界幾有研究。