李安最新一套以69年美國胡士托音樂節為背景嘅同性戀新片《TakingWoodstock》已經喺華盛頓州開鏡兩星期。最近電影公司為準備拍攝一場音樂節大場面，特地招募大班臨時演員扮嬉皮士，男演員首先要似大學生，女演員就一定留長髮。為防狗仔隊偷拍，拍攝場地嘅大草原旁邊堆滿人工雜草，當地政府為協助拍攝仲採取封路措施，保密工夫十足。