新界東有個被指係「疑似泛民主」候選人龐愛蘭，佢明明係新論壇成員，卻話唔代表新論壇參選，但又公開話支持2012年普選，表面上同新論壇立場天南地北，令人好疑惑。身為泛民議員嘅衞生服務界代表李國麟，噚日竟然公開為龐愛蘭站台，令唔少人擰晒頭，質疑佢幫錯人。
李國麟解釋為龐愛蘭拉票，純粹睇在朋友份上，冇任何政治考慮，更話既然龐愛蘭都唔反對2012年普選，支持佢應該冇乜問題。聽完佢解釋，選民知唔知李國麟企邊一邊呢？泛民為「疑似泛民」站台真係好敏感，噚日有人向八方報料，指李國麟喺九西幫另一位A貨獨立人士鼠王芬拉票，李國麟似乎好驚老鼠，強調同鼠王芬三唔識七，俾人點錯相好寃枉。