昨日中交建（1800）成為基金洗倉對象，又被大行齊齊唱淡，大跌逾13%，此表現令香港股民對大市更加心灰意冷，嘉賓指中交建被洗倉是因為之前估值太高，當大市不明朗時，自然成為被沽對象，但此股份業務仍有增長空間，因此投資者仍值得持有。
楊：主持 楊慧玲
郭：敦沛金融投資研究部主管 郭家耀
楊：中交建上市嗰時，好多人睇好佢前景，而佢上市以來，股價都已經累升咗唔少，佢今日（周四）一跌都只係去返去年年頭低位，未有跌穿招股價，股價表現好似都合理喎。
郭：呢隻股份之前比人炒上係因為遇上大牛市，好多人都睇好佢業務有高增長，𠵱家大市下跌，原材料價格又上漲，所以比人沽咗落嚟，而佢業務仲可唔可以有高增長就值得商榷，因為佢未來幾年內地基建項目仲會繼續上馬，毛利率我唔擔心，而成本控制都有利於內地水泥價同電價被中央控制，因此佢盈利都仲會有一至兩成增長，所以只係之前估值太高，唔需要比佢股價嚇到而沽貨，雖然要挨價，但佢仍然係值得守嘅股份。
收市後4:30pm
click入 http://finance.appledaily.com以webcam參與節目及收看
歡迎phonein28698262暢談心得亦可email至mailto:[email protected]搶先貼股
