【本報訊】近日選情告急的公民黨黨魁余若薇昨坦言有落選心理準備，但堅持爭取每一票。其丈夫胡健維坦言眼見妻子過去８年，每日平均花近10小時在議會工作，曾一度希望她不再參選，「但我見到你咁搏命，為堅持自己嘅信念，為公義、為民主出力，所以今次妳一定要選到」。記者：林俊謙
公民黨昨日在葵涌邨舉行「一家人，一條心，全投公民黨」造勢大會，該黨立法會九龍西候選人毛孟靜、新界西候選人張超雄均宣佈選情告急，希望力爭所屬選區的最後一席。
陳太呼籲勿信謠言
排在港島區參選名單第二位，估計需要10萬票才能成功連任的余若薇，承認近日選情受到謠言和民調影響，「04年我張名單，民調一樣話攞兩席無困難，但排第二嗰個（指何秀蘭），最終就係輸咗0.2%（選票）」，呼籲選民本周日一定要投票，「支持你哋認為最值得支持嘅候選人」。
余若薇丈夫胡健維和女兒先後上台為她打氣。胡健維表示，余投身議會８年以來，議會工作十分繁重和辛苦，個人亦曾一度希望余不再參選，「妳明明頭痛到爆，都要繼續喺立法會投票，返到屋企又一疊疊文件要睇，我見到你咁搏命，為堅持自己嘅信念，為公義、為民主出力，所以今次妳一定要選到」。
胡健維又指，「我哋同行30年，你無可否認係一個好好嘅老婆，但我亦可以大膽講句，你亦係一個最好嘅立法會議員」，令原本談到選情眼泛淚光的余若薇亦笑逐顏開。
陳方安生則呼籲，選民不應錯誤以為余若薇夠票，就不再投票支持該黨，又指最近不少人散播謠言，目的是想拆散泛民主派的票源，令泛民候選人落選，呼籲選民無論如何都抽時間投票，「因為呢少少時間，可以決定嚟緊呢個立法會，會唔會真正有人為市民發聲。」