無綫為周海媚（海味）度身的新劇《蔡鍔與小鳳仙》昨日試造型，一班演員周海媚、劉松仁、馬國明、梁靖琪現身將軍澳電視城，《蔡》劇以清末民初做背景，海味的小鳳仙造型令人想起《大鬧廣昌隆》的小芙蓉，她說：「時代係差唔多，但係角色唔同，小鳳仙係一個名妓。」
松哥讚青春常駐
91年曾與海味合作拍過《縱橫天下》的劉松仁，都不禁讚她保養得好並說：「我都想問佢食乜嘢？佢唔知點keep！」現場有記者指松哥好似打過防腐劑冇變過，他笑說：「你點知呀！遲啲毒發身亡！」
海味剛拍完《學警狙擊》又馬上接拍無綫劇，問她是不是拍上癮，她說：「唔係，都係咁啱，拍完要即刻返大陸還債。」在北京有男朋友，以北京為家的海味，近年長時間留港拍劇，未有機會跟男友見面，她說：「見唔到有相有電腦，咁佢掛住我，來睇我囉！」
採訪：楊潔雯
攝影：黃偉雄