【東京獨家直擊】本地時裝設計師何志恩（JohannaHo）近年專注日本市場，在當地已開設了6間店舖，最新兩層高的旗艦店座落購物熱點表參道。大前日旗艦店正式開幕，展示09春夏系列及部份crossover作品。Johanna全家赴日主持開幕禮，好友兼女兒契媽徐濠縈也去到撐場，氣氛溫馨又窩心。
何志恩在日本表參道的最新旗艦店，大前日開幕，她一家包括母親、丈夫打本雄輝和女兒Natasha均有去到捧場，Johanna接受訪問時，表示多得三陽商社注資，近年在日本市場發展美滿，她計劃09年重返倫敦時裝周，她說：「之前有做過Londonfashionweek，但太忙停咗幾年，10月我又想喺香港搞個大型啲嘅騷，因為好耐冇搞。」
合作計劃一籮籮
Johanna續說：「囡囡都好重要，我要照顧好個女，佢都要求我生個細佬畀佢，我同老公都鍾意小朋友，想生隊足球隊，不過冇時間。」的確，Johanna工作計劃一籮籮，除了自家品牌，她和有份到場的好友兼女兒的契媽徐濠縈合作的系列，又將於明年面世，另外她又和曾任職D-mop的友人Dorothy推出喱士cardigan等服飾。
此外，徐濠縈匆匆趕到東京三天以示支持，徐濠縈謂要先安排好女兒康堤9月1日開學才能赴日，此行連購物時間都沒有，她說：「買畀自己就真係冇，買好多嘢畀個女，鞋、衫，同埋食吓嘢。」
阿徐寄居超儀家
徐濠縈近期搬新屋，她說：「𠵱家要寄居Josie（何超儀）屋企先，都唔好意思，住咗兩個禮拜喇，今次係第三次搬屋，每次都係寄住喺朋友屋企，今次仲帶埋個女住㖭。」有報道指她看中10萬元梳化，其後遭她否認，她說：「其實間屋都好簡單，Eason（丈夫陳奕迅）好忙，冇理過，只有我同工人去搞。」問她兩夫婦都忙，何時再追生？她說：「都有考慮會生多個，不過唔會係𠵱家，因為想做啲自己嘢先，同埋太忙喇。」
採訪、攝影：JessicaNgan
陳列室淋浴
何志恩位於表參道的兩層高旗艦店，總面積1,600呎，左鄰右里盡是不少國際名牌店舖。旗艦店佈置由Johanna一位首飾設計師朋友E.M.設計，店內以和諧的光線，打造warm&closy的氣氛，充滿少女味之餘，也融入不少對比元素。
為了營造家的感覺，其中一幅牆更掛有恍如showerroom的裝飾，甚有家居的悠閒、舒適味道。
少女浪漫遊
大前日Johanna日本新店的開幕禮上，同場展出09春夏新裝。這個新作主題名為Johanna'sdreamholiday，靈感來自蘇菲亞哥普拉（SofiaCoppola）的電影《VirginSuicide》，秉承其浪漫少女情懷和可愛味道，題材源自陽光、海灘及音樂。
多用Vintage料
設計上沿用不少vintage物料，以deconstruction的剪裁，注入有機棉質物料。色調以米白，淡粉紅色為主題，再貫穿充滿metallic色彩的金和黑色，造就神秘意境中的glamglamour。至於配飾，則有玩味甚濃的食鬼圖案手鏈等。