關菊英近日被指與同性友人Willy（周偉利）過從甚密，早前更表明不介意另一半是女性，日前她接受商台錄音訪問時更公開直言對Willy有feel。菊姐在節目中大讚Willy，並謂母親已接受這位同性好友，她說：「到咗中女呢個階段，搵個伴我唔會再考慮年齡同性別，我媽媽初時對報道都有困擾，後來佢識落Willy覺得佢好好，所以好錫佢，同埋佢係鍾意咁嘅打扮，又唔係壞人，經歷咁多都係想搵個傾到偈嘅伴，唔使諗其他。」
坦言有Feel
菊姐續說：「佢（Willy）會同我對劇本㗎，以前佢唔睇我啲戲，𠵱家佢會買番我以前嘅唱片同睇我做戲。我同佢好夾，佢好錫我叫我早啲休息，睇到佢真心關心我。我拍戲病咗又好照顧我，即時捉我去睇醫生，好多事都令我好感動，最重要係佢對朋友好又孝順、細心又識關心人。」最後節目主持人問菊姐是否對Willy有feel，她即說：「係呀。」
撰文：李珮洳