07年亞姐季軍孫辰，擁有一身白皙膚色，她自言怕曬，所以甚少去沙灘曬太陽，她日前笑說：「我本身好易曬黑，而且皮膚好易敏感，一到夏天所有戶外活動都可免則免，日間多數留番喺屋企，到天黑先會出街，有時散步做運動，有時周圍行街。不過有時要做嘢冇辦法控制，惟有搽多啲防曬，曬黑咗都幾大件事。」
一年速成廣東話
這位來自湖北武漢的美女，初初來港選美時，只懂以普通話與人溝通，但一年後，她的廣東話進步了很多，對此，孫辰坦言下過不少苦功，她說：「嗰陣當選唔識講又唔識聽廣東話，喺香港又冇乜朋友，所以好多時候都自己一個人留喺宿舍，到後來開始識聽識講，雖然怕俾人笑講得唔正，不過唔講又唔得，所以𠵱家都會同人講多啲，講得多就自然會好。」
採訪：何慧斯
攝影：葉君海
化妝、髮型：Vena（BeautyTech）