關兆昌前晚喺中環一間酒吧慶祝45歲生日，佢老友黎明雖然唔見影，但就派咗女友樂基兒做代表到賀。前晚大約10點，啲賓客陸續離開，樂基兒同幾個朋友一齊行出嚟，記者問佢黎明點解冇到？佢話：「佢唔喺香港，出咗埠做嘢。」跟住急急腳跟住幾個朋友上咗架七人車離開，至於壽星公關兆昌都係匆匆忙忙上咗部黑色車，連訪問都唔願意做。