很佩服有些男人比女人更女人，近年竄紅的來自菲律賓馬尼拉BryanBoy（BB），自04年成為全職時裝Blogger，最鍾意親身示範各大牌女裝Styling再自貼，紅到為style.com、《ELLE》、《WWD》等寫專欄和做Model。今季更被MarcJacobs睇中，在FW08推出以其名字命名的手袋系列「BryanBoyBag」。
BB近日訪港，我哋當然捉住佢做專訪：「其實我從來沒有從事過時裝行業，不過基本上最新一季的時裝、最Update的手袋，家中必有一款，我敢講自己對時裝好熟悉！」BB自認Addictedinhighfashion，訪問當日一身MarcbyMarcJacobs打扮，說起這位SuperFashionIdol，BB帶點害羞的興奮：「Ohmygod！佢竟然有睇我個Blog，仲寫Email畀我。最初以為係假冒，點知佢留咗電話，仲話如果唔相信的話可以打去搵佢。Ididit！真係佢！」Marc哥更在FashionShow上開金口：「IloveBryanBoy,Ihopeyouarehere.」但原來兩人從未見面，「咁耐以來都無同佢Facetoface㗎，大家只係靠Email、電話聯絡。Hehe…不過我哋好少講時裝話題，就連今次佢用我個名出手袋Collection都無話我知，推出之後先收到佢Send畀我的手袋。哈！可能想畀Surprise我啦！平時多數都係傾心事、講生活點滴，做朋友仲有趣，同佢傾偈好開心！」對時裝咁有Heart，有無打算手痕做埋設計嗰份呀？BB耍手擰頭：「設計？唔好搞我啦，我都係享受買多啲！」