【本報訊】前任政務司司長陳方安生昨日表示，對立法會港島區候選人、公民黨黨魁余若薇的選情感到擔憂，指近日由於不少選民以為余早已夠票，故計劃自行配票改投其他候選人，結果令在公民黨參選名單排第二的余若薇，選情變得極度危急。
陳太：泛民派內爭票
陳太表示，留意到近日有人惡意攻擊公民黨表現霸道，並指該黨其實不需要10萬張選票，「但如果你哋分析吓票源，同埋計吓幾多票先能夠當選，事實上10萬票先係穩陣，8萬票係絕對唔穩陣。」
陳太昨日出席民主黨涂謹申拉票活動後表示，近日最不幸的現象就是泛民主派候選人互相攻擊，「有啲人可能知道喺保皇派爭票好難，所以喺泛民派內互相攻擊去爭票，但咁樣做係無補於事。如果繼續係咁，泛民喺港島區隨時只有兩席，保皇派就可以攞到四席。」
陳太指出，近日政府民望和支持度插水，市民更應該了解，現時對政府表達不滿的最好方法，「就係喺9月7日，透過我哋手中一票表達畀政府聽，我哋唔鍾意佢哋專橫霸道，唔鍾意保皇黨凡事都支持政府，令政府可以為所欲為。」