【本報訊】每星期有數次自殺念頭、左手佈滿14條𠝹手傷痕、現於北區讀中二的阿欣說，試過在網上留言想死，有朋友留言勸告，但幫助不大。她每次都透過喝酒麻醉自己，讓宿醉把不開心暫時趕走，可是自殺念頭依然揮之不去。
阿欣說，一開學便萌輕生念頭，「俾老師針對，佢哋成日捉我犯校規，話條裙太短，孭個有牌子嘅袋又唔得，當住其他人話我做時裝騷，話我一啲讀書心態都冇。」
本周初開學日，母親要她歸還因改買二手教科書而省下的1,200元，她卻要母親先歸還1,000元利是錢，兩母女因此而爭吵，「諗過想死，覺得好辛苦，覺得喺度（世界上）唔知點解。」
阿欣每星期都有𠝹手，試過割脈，今年3月更曾企圖跳樓。她說父母和社工都不明白她，所以從不向他們傾訴。
「身邊朋友都係咁」
16歲的中四女生Katherine也曾企圖自殺，原因是遭同學杯葛，她一度想過跳樓，但及後因覺得不值得才打消念頭。
Katherine說自中一起，即因緊張學業成績或與同學之間的關係等感到不開心，「試過一次過喺手𠝹20、30條，嗰次因為好唔開心，都唔覺得痛，亦都唔會驚。我身邊有啲朋友都係咁，大家唔開心就係咁𠝹。」幸好後來Katherine與同學關係轉好，她現已戒掉自殘做法。
學生自殺徵兆
《網誌暗示句子》
「就算我死咗都唔會有人會為我傷心」
「做人好辛苦，我真係頂唔順」
「人死咗就唔使咁煩」
「我好掛住佢（已死的人），好想去搵佢」
《行為表現》
抑鬱、情緒起伏不定
對平常有興趣的事提不起興趣
孤立自己，不願與人接觸
送出自己心愛的物品，完成私人事務
資料來源：生命熱線