話咁快，又到九月開學時，雖則口話積極求學，但經過兩個月的暑假FreeTime，一下子要由最潮打扮回復清純學生妹Look確實有點不習慣。不過參考過日本㗎妹紮頭法，再加點心思修飾，就算是長馬尾加小髮髻，這些最簡單Basic的返學髮型都一樣潮得起。
記者：曾玉瑩
攝影：楊錦文
Hair：LouisTse&AlexSo@SalonPop
場地提供：OSuccess（35210703）
Model：WiyonaYeung
始於AllBack
唔係我齋講，只要打開任何一本日本雜誌，無論是東京、澀谷、名古屋或大阪㗎妹都同樣喜歡束高髻，唔知係咪貪方便，長直頭髮抑或鬈曲髮都可以梳起，起身束起即可出街見人。此類髮型最啱返學紮，最緊要記緊前蔭不過眼，一切就由AllBack開始。
1.所有頭髮梳向後，以橡筋紮好馬尾後，將馬尾部份頭髮以手指梳鬆。
2.將拆鬆後的馬尾分成幾撮，再將每撮頭髮以手指慢慢扭至髮尾變尖。
3.再把每撮頭髮繞着橡筋位打圈，並逐一以髮夾夾好定型即可。
髮型師小Tips：「整個造型最緊要是AllBack馬尾紮得實，可先在手上搓小量髮泥或定型用品，塗於後腦部份頭髮，髮型就可Keep得更靚。」
Twisted髮髻
簡單把頭髮梳在後腦位置，其實都可以搞搞新意思，搖身一變成現時最興的LooseLook，模仿剛起身的髮飾，即是帶少少凌亂美，這個髮型適合長頭髮或剛好到膊頭位的人。
1.先把頭髮分界，把最近耳邊兩撮頭髮執起。
2.把兩撮頭髮以相同方向扭圈至頭髮不鬆散，再把兩撮頭髮繞成一撮。
3.最後以髮夾定型，記緊要夾實兩撮頭髮的接駁位。
髮型師小Tips：「如果想髮型顯得更Loose，可以尖尾梳挑鬆頭髮後，再把前蔭頭髮收在耳側。」
8月號的《CUTIE》街頭SnapShot，很多日本妹都愛以高髮髻示人。
