法米尼串演AC右閘，嘥料！
熱刺繼續瘋狂，簽埋曼城哥魯卡。
周中足智彩場數少，更利贏錢。
網誌日期：2008-09-01
見報日，歐洲轉會市場已關閉，小弟認為今夏最令人驚訝嘅轉會，會係阿仙奴嘅23歲中堅辛德路斯，轉會AC米蘭。
呢件事令我意識到雲格對球員嘅無情，已擴展到不分年齡限制（以前係30歲以上都想踢走）。辛德路斯經常被取笑轉身慢，尤其係面對車仔的杜奧巴束手無策；但此子值最當打之年，估計應有進步空間，如今雲格以簽咗31歲嘅曼聯「剩餘物資」施維斯達為理由，認為隊內中堅過剩，讓這位一手栽培嘅瑞士國家隊中路守將離開。
反而辛德路斯同胞、名氣較遜嘅佐羅仍可留隊任後備中堅，實在估佢老人家唔到！但請AC教練「肥安」不要像將小弟認為全歐洲其中一位最出色嘅中場工兵、阿仙奴舊將法米尼，安排串演右閘，亂點鴛鴦好了。
漫長比賽生涯，一時失意，不是壞事；正如星期日，相信會係好多波友嘅黑日子，賽果由頭爆冷到尾，但入得呢個戰（賭）場，勝有時輸也有時，辛德路斯沒有抱怨過被雲格踢走，賭仔未必一定畀人睇死輸錢後姓賴，話人哋打假波！
http://hk.myblog.yahoo.com/appleballmen/
蘋果波神 個人資料
睇足球如學做人，所以我永遠放在重要位置。
（逢周一至周五見報）