張敬軒（左二）昨日到又一城出席信用卡活動，跟一班年輕人即場以樂器奏出廣告歌，大會送了一張信用卡給張敬軒，他便笑說：「呢張係我人生第一張信用卡，我係購物狂，聽日可以繼續買嘢，仲可以去買樓！」昨日軒仔帶病演出，他說：「呢排我同隻狗一齊瞓，但我感冒，去睇醫生check咗我對寵物、花瓣同天拿水敏感，以後隻狗要瞓廳喇！」