陳豪與何超儀前晚出席在圓方溜冰場舉行的「潮．聲．騷冰上閉幕派對」，陳豪夥拍美女模特兒表演時裝，何超儀則載歌載舞助興一番。
原本大會安排陳豪是穿上溜冰鞋在溜冰場上時裝表演，但最後陳豪只是穿上皮鞋上陣，陳豪說：「我以前學過溜冰，不過唔叻，為咗視覺觀感問題，費事出錯，本來大會話叫個女model扶住我出場，我堂堂男子漢點可以咁出場？但喺冰上行都好困難，我要用啲趾力抓住對鞋。」
超儀夫婦齊發福
何超儀在溜冰場上唱歌助興，對於她早前被傳媒拍得泳裝照，指她身形暴肥，她說：「咁啱我食完嘢，如果知有人影相，我就用最靚一面見人。」有指她與老公陳子聰同樣暴肥，超儀稱丈夫也知道自己肥，不過他仍然飲啤酒，記者笑問她是否想谷肥丈夫阻止他被異性睇中？超儀笑說：「佢好可愛，佢天生一副模特兒相，我冇呷過佢啲fans醋，佢啲fans鍾意佢又鍾意埋我，幾好呀！」
採訪：胡比
攝影：陳志嵐