富婆鄺美雲(Cally)前晚現身君悅,恭賀多年老友、本地時裝設計師陳華國得獎,Cally更大談時裝經,表示最滿意自己身材平均,並坦言成熟了,不愛性感暴露,穿長衫最有自信。
本地時裝設計師陳華國(KennethChan)前晚在君悅酒店,獲傳藝節選為十大大中華設計師獎,他的不少星級拍檔如鄺美雲、汪明荃、容祖兒、蘇志威、蔡一智及鄭伊健等去到恭賀好友得獎,身穿黑色晚裝的Cally,更佩戴巨型鑽石頸鏈以億萬富婆look亮相。
整齊襯氣質
Cally透露與Kenneth深交多年,更大談時裝經說:「好多時我啲衫都係搵人做,我第一件晚裝已經由佢設計,最滿意自己身材平均,着長衫最有自信,唔好咁暴露反而仲靚啲,要睇番年紀,唔好露咁多,着衫唔係襯身材,係襯自己個樣,人成熟咗要整齊先可以襯氣質,始終都係人着衫,唔係衫着人。」問到寶貝仔Cash的近況,她說:「佢𠵱家減緊肥,之前佢整親隻腳都好番一啲。」
此外,身穿VivienneTam露膊裙的容祖兒則說:「03年已經開始同Kenneth合作,之前係籮記(羅文)喺我面前讚佢做衫最靚,我開演唱會同拍MV都會搵佢做衫。」
常挑戰底線
祖兒又大讚Kenneth的設計不斷挑戰其底線,她說:「之前喺演唱會嗰件泳衣造型,我對腳出名大碌,但我第一次着嗰套衫,就好信任佢,大家好有默契,佢知我身材好details,比男友仲清楚。」她表示最滿意自己膊頭同腰的部位,她說:「我腰比較長,冇咁易長肉。」
採訪、攝影:LawWaiMan