鍾舒漫噚日到商台宣傳新歌《野百合》，佢話呢首歌好勵志，問佢會唔會介紹畀師姐鍾欣桐（阿嬌）聽？佢話阿嬌心情好好，所以唔使介紹，佢仲自爆阿嬌為佢設計造型，佢話：「佢好有心，抽時間幫我襯衫，仲畀好多首飾、手襪我戴，自己都受寵若驚，但係另一方面又好大壓力，因為自己試過襯得唔好，阿嬌就打電話嚟話我襯到錯晒。」