男子組合EO2前晚開騷，意識大膽，眾男赤膊上陣，分別與靚女賈曉晨（JJ）、梁敏儀、李思蓓等大跳辣身舞，實行摸、攬、咀三部曲。難得幾位靚女不介意蝕底，並聲稱好玩，JJ更嫌自己咀得生硬，表示要多多練習。
男子組合EO2前晚在九展舉行尾場音樂會，來捧場的嘉賓有蔡一傑、蔡一智、鄭伊健、黃伊汶、官恩娜和薛凱琪等，演出嘉賓有許志安、梁敏儀、賈曉晨（JJ）、李思蓓及女子組合HotCha等。
「係有啲生硬」
EO2與一眾女嘉賓不乏辣身場面，不知EO2是否掛住摸女太刺激，在獻唱《春光乍洩》時頻頻甩嘴，成員Osman唱到興起更除衫展示肌肉，Otto則high到抬起女舞蹈員；眾男又邀請了約200名現場觀眾上台齊齊玩。
在演唱會中赤膊的Osman，與JJ有不少纏綿激情舞姿，又當眾咀嘴，JJ更投入到不慎露底。另一位成員Eric同樣赤膊上陣，與梁敏儀大跳辣身舞，有不少親熱摸大髀動作，Eric更不慎掀起其短裙，令她不小心露底，李思蓓則坐在Eddie身上勁舞。
事後JJ說：「我哋真係有咀到，因為借位唔好睇，我哋日日都有綵排，係有啲生硬，咁再練吓囉！喺現場對住咁多觀眾，有少少難度。」
Eddie女友面黑
Eddie與李思蓓也咀了大約5、6秒，事後Eddie說：「我都怕女友呷醋，不過只係為工作，唔知女友有冇嚟監場，不過都會面黑；其實師兄草蜢嘅演唱會仲激，我哋唔及佢哋好睇，希望可以喺紅館開個唱，到時可以着T-back演出。」
採訪：王連連
攝影：黃偉雄