上周花旗股市下跌，港股今日好可能會重複「日升日跌」嘅走勢，不過，港股呢幾日企穩番，暫時應該可以守得住條10日線。
格魯吉亞宣佈同俄羅斯斷交，俄羅斯同歐美嘅關係變得緊張，新冷戰會唔會出現好難講，但係油價隨時會挾高，油價若大幅上升，全球嘅局勢又唔同晒，大家要睇實。
恒生C輪1597：恒生（011）上周五收155.10元，升3.9%，走勢好靚，亦係好友主要挾上工具，炒上睇165元，可以諗吓隻C輪1597，現價7.9仙，有效槓桿8.9倍。
正股升上165元，1597可見13.2仙，正股跌穿151元就沽咗隻輪止蝕。