李克勤（左）同林建明噚日喺黃大仙出席活動，仲以「心晴行動慈善嘉賓」身份接受支票移交儀式，佢話：「原本係譚詠麟嚟㗎，但係佢前幾日知道有事唔嚟得，以前試過我病咗，佢幫我做替工，所以今日冇乜所謂喇，只係犧牲咗同個仔飲茶嘅時間啫！」 問克勤點樣減壓？佢話：「我唔會將啲唔開心嘢帶返屋企，同埋見到個仔就乜嘢壓力都會冇晒。」