香港一向吹東洋風，日式料理加居酒屋往往大排長龍。叫好叫座固之然係醒，但係能夠食到傳統地道日本風味菜式又有幾多間？近日新加坡過江龍到香港插旗，推出在香港首見的朴葉燒，以樹葉隔着來烤肉，肉香夾着淡淡樹葉香，好有風味！
記者：王震遠
攝影：王文忠
模特兒：Iris@StageModels
源自岐阜深山風味
「食朴葉燒即是嘆深山風味」，此說一點都沒錯，朴葉燒源於日本岐阜縣飛驒高山，是當地享負盛名的傳統民間食品，不少香港旅客到當地旅遊品嚐過後都回味無窮。古時的岐阜縣高山市處於深山之中，村民因為比較窮困，所以就地取材拿當地盛產的朴葉伴食物來燒，發現其香味十足，一直傳承至今。食用朴葉燒前，必須先將朴葉濕水，再在朴葉上蓋一層麵豉醬，不然樹葉會馬上給燒焦，原理上跟紙火鍋一樣。用朴葉盛着食物一起燒來當料理，為美食份外添加朴葉香氣，且充滿鄉土特色。
唔係猛龍唔過江
「WARAKU和風居食屋」於2000年在新加坡成立第一家分店，短短數年間已擴充至5間，其日式料理早已享譽新加坡。集團旗下另一間日式意大利餐廳「PASTAdeWARAKU」於今年2月才在香港開業，轉眼間再引入「WARAKU和風居食屋」，風頭可說是一時無兩。揀選香港作為海外根據點，全因香港人對飲食的要求與新加坡人貼近，亦對東洋美食趨之若鶩，故準備在香港大展拳腳。烹調方式沿用日本傳統，食材則主要由日本入口。
海鮮肉朴葉燒$78
上爐前所有食材經已半熟，稍作加熱便可。鱈魚肉味道很鮮，肉質結實；蝦肉很彈牙很爽；不得不提冬菇，經燒熟後帶有絲絲的菇味和麵豉醬味，配合起來非常香口。整道菜式帶着濃濃的麵豉醬味道，和淡淡的葉香。以這個價錢嘆一頓風味朴葉燒，認真超值！
Priscilla：「味道很獨特，帶有濃郁香味，賣相又好有風土感覺，食物又唔錯！」
蟹肉奶油湯麵（附沙律醬）$88
冷食湯麵，奶油湯底好creamy，味道香濃但食落唔覺膩，配合味道較淡但鮮甜的蟹肉，感覺恰到好處。
William：「蟹肉好正，伴汁食好好味，夠香酥味，冷食好醒胃。」
葱香免治吞拿魚生飯Mini$58Regular$68
免治吞拿魚多見於壽司，咁大份量免治吞拿魚肉認真少見。葱味配合吞拿魚入口，中和魚腥味，口感相當好。
Iris：「一啖葱一啖魚生撈埋一齊，口感竟有啲似免治牛肉。」
野菜牛肉咖喱湯寬麵$68
條條寬麵由日本師傅手打，再進口香港，口感煙韌，咖喱湯底不太辣，甜味剛好，也不會搶去牛肉的味道。
Anna：「寬麵好似香港未見過，幾彈牙幾煙韌，仲好滑身！」
WARAKU和風居食屋
（荃灣楊屋道一號荃新天地地下77號舖/23525233）