周麗淇（Niki）昨日29歲生日，與近百名歌迷於九龍灣慶祝。歌迷送上兩個比賽贏出的金牌、米高峯形蛋糕及一架由氣球砌成的模型車給她，令她開心不已。歌迷更響應Niki呼籲，為興建廣西學校捐錢。
「想再買樓」
Niki說：「間學校應該年尾會完成，到時會以爸爸嘅名命名。上年我嘅生日願望係成功置業，今年真係可以做到，如果再有錢，我都想再買樓，如果一年置業一次都好喎！」
問Niki其緋聞男友鄭嘉穎會否與她慶祝？她說：「唔知，噚日同今日我都要拍劇。」至於有沒有收到電話祝賀，她只說：「總之最close、錫我嘅朋友都有SMS畀我，但個別邊個朋友就唔講，我唔想開名喇！」問到鄭嘉穎是否愛錫她，她說：「唔知喎，你哋問佢。」
採訪、攝影：王連連