待嫁新娘陳慧琳10月出閣，前晚她在中環出席美國名牌DonnaKaran時裝騷。問她最近密密出騷，是否準備嫁後收山？Kelly說：「唔係，唔做嘢咁悶，我會一直工作，直到懷孕，我個心都唔想停，𠵱家都仲有好多工作做。」
Kelly謂「大碼」男友Alex的減肥計劃進行得如火如荼，她說：「佢要戒少少口，我陪佢囉，煮啲佢唔鍾意食嘅嘢，好似齋同沙律，仲要訓練講嘢，到時佢要做celebrity接受訪問。」她又透露將在香港戶外取景拍婚紗照，並說：「我要型，佢要靚。」她指籌備婚事最開心是每個環節都由自己決定，生仔都一樣，她說：「生仔要自己一手包辦，男女都冇所謂，有乜生乜。」
采妮教防走光
其實Kelly的婚禮可說是由廣告商和品牌包辦，兩襲婚紗由DesignerBridalRoom贊助，嫁女餅又有美心贊助，結婚鑽飾就由父親的珠寶店設計，省回不少。
前晚DonnaKaran新裝剪裁性感，同場的楊采妮自言有許多秘密方法防走光，例如不會單用乳貼，改為在裙子內加襯裡等，她說：「成日有朋友問我藝人點防走光，我出書教人都可以。」
採訪：羅慧敏 攝影：黃偉雄