無綫《2008兒歌金曲頒獎禮》前晚在將軍澳電視廣播城錄影，身為「兒童節大使」的商天娥、謝安琪及ILoveUBoyz，與嘉賓蔡卓妍（阿Sa）合演《戰士阿Sa出場打敗魔王》歌舞劇，錄影前阿Sa竟有預感會出事，她說：「我今晚着咗高踭鞋，但要揮長劍，我怕會跌劍。」怎料她上台時真的跌倒，屁股着地扭傷腰，又擦損右手，記者指她預感靈驗，阿Sa說：「我冇諗嗰個位跌倒，好彩冇事。」右手經消毒後貼上膠布，之後阿Sa重錄時明顯有陰影，落樓梯都扶實欄杆，她笑言：「好驚跌多次，雖然我唔老，但都唔後生，一步一驚心。」
ILoveUBoyz的少爺占和阿Sa可謂同病相憐，他綵排時不慎扭傷右邊膝頭，更一度暈倒10分鐘，被送到醫院，少爺占坐輪椅出院後說：「醫生話我韌帶鬆咗，腫晒，𠵱家照咗X光睇吓點。」上台時少爺占則手拿木枴杖，他笑言小朋友見他皆改口叫「叔叔」。
鍾嘉欣奪金獎
當晚女子組合HotCha的《童話之夢》、周柏豪的《哦》及裕美的《水果大聯盟》等均入選「十大兒歌金曲」，薛家燕的《開心世界》奪得「最受爹哋媽咪歡迎兒歌大獎」，而鍾嘉欣就憑《彩雲國物語》得「兒歌金曲金獎」，她說：「我已經係第二年得獎，自己都幾受小朋友歡迎，佢哋個個都叫我喺《溏心風暴之家好月圓》嘅角色，叫我秋姐姐。」
採訪：卓寶花 攝影：仇志德
