金馬崙很不馬來西亞，這片海拔1,500米以上的高原，全年平均氣溫不到20℃，氣候怡人，漫山遍野長的是果菜和茶葉，故有大馬SaladBowl之稱。幾位港姐與陳自瑤因而遇上一個可能比選美還要嚴峻的考驗──平日keepfit食慣輕茶淡餐，𠵱家整個山頭即是一大盤沙律噃，點忍到口呀？但係幾十支鏡頭吼到實，失儀走樣甩妝點算哦？
記者、攝影：劉嘉蕙
鳴謝：康泰旅行社、馬來西亞旅遊促進局、國泰航空公司
可愛StrawberryGirl
陪香港小姐去果園，我人生第一次慶幸阿媽生得我唔靚。
從首都吉隆坡到金馬崙高原的車程，一共4個小時，平凡人如我，在車上可安心喪瞓流口水，但港姐就要顧全體面，雖山路彎曲，但眾人髮型化妝依舊穩如泰山，但原來更大的挑戰尚在其後，因為來到士多啤梨園！
像摘士多啤梨之類的少女甜美活動，港姐們見到，很難無動於衷，一行人甫到達果園入口的小型counter，已經此起彼落高聲尖叫：「好靚呀！好似好甜咁呀！」雖然港姐們平日走高貴大方路線，但面對此情景，都忍不住一人拿起兩粒放上面珠扮可愛strawberrygirl。
有得影冇得食
金馬崙高原長年盛產士多啤梨，每年4、5月最當造，而我們到訪的果園面積約4英畝，是全金馬崙最大，場內有近6萬盆士多啤梨，園主還自製士多啤梨雪糕、果醬等副產品銷售。收費以重量計，旺季半公斤$49，1公斤$97，淡季1公斤$73，所有新鮮士多啤梨保存期為兩天，若想帶返香港，便記得放入雪櫃。
去到果園，本來乖乖等埋位的一眾港姐都不禁耳語，研究要否摘果，又反覆揣摩別人的是酸是甜。其中兩位更道：「我頭先偷食咗一粒，好甜呀！」「吓？你食咗唔話我知？我拍完呢個shot又要食！」
結果拍完好多個shot，兩人除擺甫士時偷食了兩粒外，最終一粒都冇機會袋走。冇人識的我，早已把方圓十棵內的士多啤梨殺個片甲不留，仲嗒埋超好味的士多啤梨雪糕㖭。
KokLimStrawberryFarm
地址：JalanSungaiBurung,39100Brinchang,CameronHighlands,Pahang
電話：（60）54914481
茶園誘發自拍潮
士多啤梨有得睇冇得食，下一站Boh茶園，港姐們終於可以無所顧忌地嘆茶。
去到茶園，一班女仔同陳自瑤狂玩自拍，因當地山巒起伏有致，茶葉在其中梳出條狀長紋，好像一幅大自然雕塑。Boh茶園在馬來西亞有近80年歷史，產量佔全馬七成，每天出產五百萬杯茶！在場內，遊客還可參觀茶廠、在cafe嘆茶食cake及買靚茶做手信。茶的口味超多，有熱情果香燈、荔枝玫瑰、呍呢拿等。記者即場試飲冰茶，味道一樣香濃。
地址：BohPlantation,CameronHighlands,Pahang
網址： http://www.boh.com.my
三十年代時光隧道
士多啤梨園旁有個名為時光隧道的空間，佈置充滿三、四十年代氣息，約800呎地方分了課室、理髮店、士多等幾個小角落。老闆徐先生是個有心人，自小在金馬崙長大，十幾歲到吉隆坡讀書，但對童年舊地念念不忘，見坊間少有金馬崙官方資料記載，於是整個民間博物館，營業至今兩年，藏有千多件珍品，更不時更新轉換以保持新鮮感。
TimeTunnel
地址：JalanSungaiBurong,39100Brinchang,CameronHighlands,Pahang
電話：（60）163288438
蔡瀾愛死英倫FeelResort
打從殖民地時代開始，金馬崙高原就是英國佬偏愛的度假勝地，原因，這兒風凉水冷，時有細雨，像英倫家鄉。金馬崙環境幽靜，酒店和度假村都富歐陸色彩，高檔優雅。以蔡瀾指定入住的CameronHighlandsResort為例，兩層高的Resort低密度，客房少，但消閒娛樂餐飲設施齊備，SpaVillage規模可媲美東南亞五星級大型度假村，高爾夫球場跟主座距離只差一條馬路，餐廳、茶座極為寬敞舒適，難怪就算房價要近$2,000一晚，周末客房依然爆滿。
CameronHighlandsResort
地址：39000TanahRata,CameronHighlands,Pahang
電話：（60）327831000
網址： http://www.cameronhighlandsresort.com
出門提一提
簽證：持BNO或特區護照毋須簽證。查詢：28210800（馬來西亞領事館）
旅行團：馬來西亞士多啤梨園、仙人掌山谷、雲頂高原、吉隆坡5天超值豪華團，入住金馬崙高原CameronHighlandsResort（MCM05-2F），團費$3,799起。
查詢：21088888(康泰旅行社）
機票：國泰航空來回吉隆坡，票價$2,810起。查詢：21088888（康泰旅行社）
貨幣：1馬幣約兌2.3港元（文中價錢已折算港元）
電壓：240V，3孔長形插頭
馬來西亞旅遊資料： http://www.tourismmalaysia.com.hk
下周馬來西亞金馬崙有雨，19-22℃
2008香港小姐親善之旅播映時間
日期：10月9日，16日
時間：11:05pm-11:30pm
（無綫電視翡翠台）