【本報訊】本港通脹持續惡化，今年中秋燈籠售價飆升兩成。有傳統燈籠製造商為刺激銷路，將傳統結合時尚設計，首創精緻心形燈籠及造型可愛的草菇燈籠，搶攻潮人、愛侶一族，加上後奧運效應商場搶購燈籠作擺設，迄今燈籠已售出一半。以傳統人手紮作紙燈籠的女師傅則以混色燈籠及維持舊價吸客。 記者：蔡朗清
專門製作傳統布燈籠的天就行採購部經理伍淑芳表示，由於通脹持續高企，燈籠售價急升一、兩成，年初設定生產量較去年減少約兩成。公司為擴闊客源，今年推出五款全新燈籠，將傳統結合時尚設計，「𠵱家啲燈籠唔止燈籠咁簡單，已經變咗精品，可以放喺屋企做擺設」。
百合花形神俱似
伍淑芳說，一款心形燈籠不但外表富立體感，又有心形花紋；另一款圓點草菇燈籠，造型可愛，「呢兩款燈籠造型有別傳統，希望吸引一啲情侶同潮人購買」。她說，當中最難做的一款燈籠首推百合花，「我哋試咗好多種花，最後試到百合花先至覺得形神俱似，仲加埋綠葉。𠵱家唔少人想將啲燈籠掛喺花園，所以咪設計咗呢啲花卉燈籠」。
伍淑芳補充說，增加了多款時尚燈籠及後奧運影響下，迄今銷情不錯，已售出五成，料中秋前所有燈籠可沽清，「啲商場同屋邨喺奧運掛滿迎奧運裝飾，奧運完咗之後即刻訂大型燈籠代替。」
堅持以人手紮作紙燈籠的生福祥香莊負責人黃改蓮稱，由於她的精神欠佳，今年只製作楊桃及蓮藕燈籠，較花精力的鯉魚燈籠暫停製作。但蓮藕燈籠會搞點新意，三節顏色分別有黃、橙及粉紅，希望刺激消費者購買意欲，「𠵱家啲嘢貴晒，我哋啲燈籠都唔敢加價，希望銷量可以保持番舊年咁上下」。
憂通脹影響銷路
灣仔太原街的玩具店掛滿吹氣燈籠，其中日昇玩具店負責人蔡先生表示，通脹高企，吹氣膠燈籠售價飆升兩成，擔心影響銷路，「燈籠貴到咁，啲人見到都唔捨得買」。
消費者委員會表示，由於燈籠質量參差，有部份硬膠燈籠結構不佳，配件較易脫落，若小孩誤吞會造成窒息；也有部份燃點蠟燭的紙燈籠設計不佳，容易釀成火警，宜以燈泡代替蠟燭。
中秋特色燈籠
店舖（查詢）：天就行（28582026）
燈籠款式：百合花布燈籠 價錢：28-88元
燈籠款式：心形立體布燈籠 價錢：28-128元
燈籠款式：草菇布燈籠 價錢：28-128元
燈籠款式：星星布燈籠 價錢：28-138元
燈籠款式：燙金鱗鯉魚布燈籠 價錢：28-288元
店舖（查詢）：生福祥香莊（25423168）
燈籠款式：楊桃紙燈籠 價錢：30-280元
燈籠款式：蓮藕紙燈籠 價錢：68-380元
店舖（查詢）：日昇玩具（28931600）
燈籠款式：魔法戰隊機械人吹氣燈籠 價錢：48元
燈籠款式：爆丸吹氣膠燈籠 價錢：56元
資料來源：上述公司
特稿
手紮燈籠絕技 後繼無人
今年40多歲的黃改蓮，以人手製作楊桃紙燈籠已有10多年，只見她小心翼翼削好竹篾，再將竹篾一圈一圈的紮成楊桃的造型後，把皺紙覆蓋在竹篾上，左翻右轉，楊桃燈籠漸見雛形。黃改蓮繼而再在楊桃尾部加上她叫作「仔」的小楊桃，以及在底部貼上絮絲，楊桃燈籠即活現眼前，「一定要加絮絲，咁樣燈籠就神氣啲」。
記者望望手錶，黃改蓮要花一個小時才製作一個紙燈籠，只賣數十元，果然是「辛苦」錢。黃改蓮有點欷歔說，子女不願接手，相信人手紮燈籠的傳統手藝很快失傳，「做一個燈籠好嘥精神，每次中秋節過後，就要開始製作下一年嘅燈籠，好辛苦」。她說，近年精神漸差，產量大不如前，做完今年的中秋籠燈，下年是否繼續做，也是未知之數。
本報記者
