好難捱嘅8月終於都過去，回顧8月港股走勢都算驚濤駭浪，除了近周奧運閉幕後大市尚算有點表現外，月內其餘時間真係玩謝唔少散戶。展望9月份，股場民心所向，當然希望港股生生性性，但睇番昨日中移動（941）仍未能止瀉，似乎……
近年傳聞多多的中油（香港）（135），終有動作，獲母公司中石油集團將之注入中石油（857）。雖然消息唔係期待已久的私有化，不過中石油集團將其持有51.89%權益注入中石油，目的係要透過中油（香港）的角色共同開拓天然氣終端市場，即係另一個古仔，中油（香港）料將成為中石油在有關業務上的旗艦。
主力開拓燃氣市場
內地城市對燃氣需求持續增加，估計到2010年需求達300億立方米，現由中油（香港）主攻有關市場，相信可獲特別照顧，未來有機會獲注資。
中油（香港）股價月內插至2.50元後即見強力反彈，受惠收歸中石油消息刺激，周四一度炒上3.52元，惟因短線升幅已大而見回吐，昨續跌4%，報3.02元，料將考驗20日線支持，如見守穩2.85元可試吸納，中線目標3.80元，失守2.50元止蝕。