由周迅同《集結號》三大內地男星鄧超、張涵予及王寶強主演、內地導演曹保平執導嘅新片《李米的猜想》，獲得第56屆西班牙聖塞巴斯蒂安國際電影節嘅新導演提名。喺戲中飾演李米嘅周迅，男友突然失蹤，佢喺四年內不惜一切，要搵番屬於佢嘅愛情。導演曹保平對於獲得新導演提名，話咁樣已經係對佢作品嘅一種肯定，仲話對呢套戲充滿信心。