𡃁模Angelababy、周汶錡、鄭詩韻等昨日在中環欣賞Moschino的時裝show，有份行show的熊黛林更真空上陣，而Angelababy亦少有地打扮性感，她說：「今日係襯番件衫啫！」
過去一年備受國際品牌鍾愛的Angelababy，除獲得不少贊助外，每月也會自資過萬元買衫，她說：「我一個月會預留一、兩萬蚊買衫，搞到𠵱家成間屋好似貨倉咁，覺得自己有少少天生購物狂，而最貴係買手袋，有時都要兩、三萬蚊。」她表示自己雖然大使，但毋須家人資助，還有給家用呢！
周汶錡新Look示人
同場的周汶錡剪了新髮型，形象清新，她說：「剪咗10吋頭髮，係我10歲之後未試過咁短，我見今年興Bob頭，想再剪短啲，但係髮型師話唔好太短。」她又謂早前到法國與品牌J.Maskery開會，傾談由她設計的珠寶系列，並會命名為Kathy&J.。
此外，鄭詩韻的婚禮安排已逐步落實，她表示已找來為徐子淇設計婚紗的鄭兆良設計晚裝，而婚紗和陳慧琳一樣，選了DesignersBridalRoom，至於酒席場地則仍未落實，她說：「淨係媽咪要請嘅賓客都有400幾人，我哋嘅朋友都請唔到，𠵱家同媽咪仲喺拉鋸之中。」
採訪：羅慧敏 攝影：仇志德