話晒讀社會科學出身，奧運之後最關心梗係立法會選舉。對於喺港島區帶病出戰嘅「民主女神」唔掛頭牌，讓畀《東宮西宮》「小嘟后」行頭希望博多一席，呢一着點都有啲險中求勝。單憑呢份信心、決心，藍鑽石呢一票樂意奉上。
今季開倉版頭炮，我都險中求勝。明明意甲開鑼，好多場都有信心，但硬要揀一場反而難揀，喺度想推介一場英甲波，博奧咸作客贏高車士打，冷門啦啩！呢場波險，係奧咸明明排英甲榜首，作客到近10場主場贏過一場咁大把嘅高車士打，竟然受讓，點講都講唔通。個盤有啲「鬼」，但我唔怕，險中求勝就取下盤。
讓球：奧咸（下）
心得：有信仰從來唔怕「鬼」
藍鑽石
與簡拿華路同日出生嘅囡囡入學，今季大把時間睇波，尤其係意甲。