歌手們昨日在《奧運金牌精英大滙演》中與金牌運動員合唱的部份，據悉是咪嘴演出。古巨基與王勵勤及林丹等合唱，上台前不少運動員爭相與他合照，基仔謂與林丹之前在北京見過面，今番再見故投契地聊天及互相慰問，基仔又讚王勵勤唱得很好，他說：「佢一開口就有歌手嘅嗓音，佢好隨和好好笑容，感覺好舒服。」
慧嫻送CD
容祖兒與郭晶晶及吳敏霞等合唱，她說：「場內氣氛同天氣一樣咁熱，晶晶佢哋係專長運動，唱得算好好，我見晶晶春風滿面呀。」祖兒更謂程菲與她主動打招呼故很開心。
陳慧嫻與陳燮霞合唱， 同姓又是番禺同鄉，慧嫻謂感覺份外親切：「我送咗套簽名CD畀佢做紀念，佢都送個鎖匙扣畀我，又喺我件衫上簽名，嚟緊我會喺上海開演唱會，希望佢嚟睇或者做嘉賓，表演吓舉重。」蔡卓妍（阿Sa）與划艇隊一同表演，她說：「我最鍾意李小鵬，佢好靚仔，好犀利！」
有指楊千嬅因續約無綫才獲安排壓軸與全體運動員合唱，她說：「唔知喎，有得唱係人生榮幸，第時生咗仔女都可以話佢哋知。」陳慧琳只與馬術義工合唱，她說：「冇所謂啦，啲義工落力做嘢，都值得表揚。」
「咪嘴唔緊張」
克勤打頭陣獨唱，談到節目流程沒其名字，他說：「我本來負責另一環節，個節目不停改，我唔緊張呀，咪嘴啫，不過好遺憾唔可以同冼東妹合唱，只可以離遠望佢。」
採訪：卓寶花