現年46歲的戚美珍，嫁給苗僑偉（三哥）後專心相夫教子，身形不斷膨脹，老公卻越來越弗，更招惹不少桃花。戚美珍為箍緊他，早前決心減磅，終由160磅減至110磅，連經常恥笑她的譚詠麟（阿倫）也說：「佢係肥珍變索珍。」
苗僑偉雖年屆半百，但外形保養得宜，散發男性魅力，異性緣不絕，去年拍攝無綫劇集《歲月風雲》時，先後跟佘詩曼與梁靖琪（Toby）傳緋聞。相反其妻戚美珍婚後全職照顧兩名子女，身形嚴重走樣，高峯期更達160磅，為了箍緊丈夫和為年底復出替無綫拍劇做準備，早前積極減肥，她前晚與譚詠麟和賈曉晨等人，到灣仔會展出席好友余錦基新書《余欲有言》簽名會，纖瘦了一圈的她，令人眼前一亮。
被阿倫激親
減磅後的戚美珍穿上白恤衫和長褲，打扮更年輕，她笑說：「我瘦咗50磅，最肥係160磅，𠵱家減剩110磅。」到底如何減磅？身旁的譚詠麟搭嘴：「叫三哥激佢多啲。」戚美珍則指是全靠阿倫的激將法，她說：「當日佢指住我個肚話：『你由得佢咁？』我咪決定減肥，以前我幫阿倫上台伴過舞，下次佢開演唱會，我都可以再上台伴舞。」阿倫大讚說：「佢係肥珍變索珍。」
唔怕得罪人
阿倫表示買了10本余錦基的新書作支持，但表示自己未是時候出書，問他是否擔心出自傳易得罪人？他說：「我冇仇家，唔怕得罪人。」阿倫上周四生日，其子譚曉風可有甚麼禮物？他說：「家事唔講啦，唔使客氣。」可想曉風用心讀書作禮物？阿倫說：「係呀，係呀。」
此外，余錦基的兒子余仲行將於下月迎娶鄭明明女兒陳維黛，準老爺余錦基說：「佢哋會喺西貢註冊，12月喺君悅擺酒，佢哋拍咗10幾年拖，女方係好新抱，我恨抱孫恨到流口水。」
採訪、攝影：羅慧敏
