何守信、毛舜筠、鄭欣宜和蓋鳴暉等，昨日在將軍澳電視廣播城出席無綫新處境劇《畢打自己人》試造型，由於欣宜與蓋鳴暉英文名同樣叫Joyce，藝員輪流介紹角色時，欣宜竟自嘲說：「大Joyce講先吖，size上係交換咗，我明白嘅，我大啲。」
承諾認真工作
其後欣宜由戲劇製作總監曾勵珍陪同接受訪問，對於與老外男友啜爆親密照曝光，欣宜說：「啲相係一年前萬聖節影，入面內容係假，唔需要回應，我會主力工作。」至於相片來源，她則說：「唔知偷嗰個人點偷返嚟。」
在旁的珍姐全程傾力保護欣宜，兼乘機訓示她說：「以後玩嘅相唔好影，就唔會有機會俾人偷，自己要小心啲，你應承過我要畀心機做嘢。」被問到與男友同居，欣宜表示沒打算，珍姐即說：「我擔保一定冇，欣宜住邊、幾錢租、租期幾耐我都知，仲有份同佢睇樓。」珍姐再三在欣宜面前指她承諾會用心工作，其間更感觸落淚，欣宜即說：「我講得出做得到。」
採訪：卓寶花
攝影：仇志德