呢一年，發生喺畢傑身上嘅事件，真係唔開心多過開心，希望藉住新一季嘅〈畢賭翁〉開始，我個心境可以日日陽光普照。
畢傑永遠都會順次序去排家庭、事業、愛情、朋友，估唔到近排嘅不快事，原來4個範疇都影響到。媽子擔心我、工作心情差咗、朋友聽我講吓心底話，喺度要同全部人講聲抱歉。尤其媽子同我交心都要用紙仔字條，𠵱家我明白我最想要啲乜。
家庭永遠排第一，西甲波都係排第一，因為畢傑夜返關係，睇波都以西甲最多，其次先係英超。呢期嘅〈畢賭翁〉當然揀番西甲場次，華倫西亞贏硬馬略卡。
主客和：華倫西亞勝
心得：馬略卡大變天
畢傑
就算朗拿度點沉淪，我依然最愛呢個死肥仔；聖西路小天地唔啱你，請過祖記。