頭尾17日嘅北京奧運話咁快就完咗，真係有啲唔捨得，事關奧運唔同足球，4年先得一次，冇乜延續性，但波就唔同，個個禮拜有得睇。想再睇牙買加飛人保特、美國新水怪費斯或中國吊環王陳一冰獻技，惟有等嚟緊一屆嘅世錦賽啦！話時話，京奧好睇之處，就係靚女特別多，尤其係玩體操同韻律操嗰班，好似係美國嘅妮絲廸亞柳金、俄羅斯嘅嘉娜娃同埋白俄羅斯嘅露蓮娜，都真係好掂㗎。
京奧完咗，重返足球嘅世界。紐卡素季初首場聯賽爆冷打和曼聯1:1，禮拜六作客阿仙奴，博佢哋頂到半場，玩個「半和」。
半場主客和：阿仙奴「半和」
心得：紐記季初對辦，半場頂得住
青蛙仔
睇德國波同埋英國波大，大個之後攻埋日本波，兼且對日本藝能界幾有研究。