人月兩團圓嘅中秋佳節就快到，我同男朋友日日都咁纏綿，當然已經計劃好佳節嗰日兩口子一齊到沙灘，一邊食月餅一邊賞月啦！但係今年就想搞搞新意，唔想隨便買盒月餅，亦覺得食冰皮月餅唔夠傳統，所以就決定玩玩DIY，親手整個愛心月餅，甜甜蜜蜜咁過中秋！
鴻星海鮮酒家個老友Sharon見我咁有心思，就介紹我參加由佢哋集團開辦嘅月餅工作坊，學習製作全黃白蓮蓉迷你月餅。月餅師傅喺兩個鐘嘅課堂會教授成個製作月餅過程，由包餡料到拍打餅模，甚至係製作月餅秘訣都會示範畀大家睇，學員仲可以同自己親手造嘅愛心月餅影番張合照，更加可以將食譜帶返屋企，同家人朋友齊齊再整餅！
每位學費280蚊
Sharon仲話，每個學員唔單止可以將製成品攞返屋企，完成課堂後集團會送多一盒兩個裝嘅迷你月餅畀佢哋。月餅工作坊會由9月3會至12日喺銅鑼灣時代廣場店同尖沙嘴總店舉行，上堂時間由下午3點至5點，每位學費280蚊，每班最少10人，有興趣嘅可以打去26280080報名。如果一班朋友約埋夠10個人嘅話，仲可以就番時間開班㖭！
逢周六、周日刊出
電郵：mailto:[email protected]