今年5月為老公市村正親一索得男嘅日劇《夠薑師姐》女星篠原涼子，噚日喺產後首度公開露面，出席求職網站宣傳活動。身穿連身裙嘅佢已經成功收身，身材同產前冇乜分別，仲大晒幸福話湊仔生活過得十分充實，囝囝同佢兩公婆都似樣，希望囝囝盡得真傳。提到今後工作安排，佢話未有具體計劃。