香港近年多了不少日式「燒肉」店，味竹是其中一間，開了一年多，Virginia就由開店做到現在。當中最好笑的，是開舖初期，「好多人經過聞到一陣烤肉香，就問我，燒肉？呢度專食叉燒同燒豬燒鵝㗎？」好多人都將「日式燒肉」，當了是「高級燒臘」，而Virginia會解釋，其實係日式韓國燒烤。而她在這年間更慢慢看着「燒肉」成為潮流，越做越人氣。更有唔少至潮食法出現，「日本清酒近來真係好紅，好多人對佢有興趣，於是我哋都搞咗一個『清酒．燒肉料理』（$390位，兩位起）晚市套餐，呢個餐由現在到9月30日在晚市6pm至10:30pm供應，有前菜炸櫻蝦豆腐、北海道雪場蟹、北海道帶子、魷魚1隻、鹽燒澳洲和牛、汁燒法國鵪鶉、雞腿肉、一口牛舌、羊架及豬頸肉等，加上冷素麵同雪葩，本身已經好豐富，仲搵品酒師為各種肉類選配6種清酒去配合，係一個認識日本燒肉同品酒嘅好機會，我介紹朋友嚟食，大家都話我好介紹。」
味竹燒肉店（25138886）
太古城第十期金星閣G1019地舖