韓國女星李英愛（右）日前有份出席為訪韓國嘅中國國家主席胡錦濤（左）舉行嘅歡迎晚宴，愛姐喺會上仲有幸同胡總握手，認真威水。不過，網上有片段影到愛姐以「你好嗎」同胡總打招呼，唔少網友指愛姐咁講對國賓有失敬之嫌。事後愛姐解釋話佢當日所講嘅只係「您好」，而且事前仲跟繙譯專家練習發音㖭。