汪明荃前日61歲生日，晚上同一班朋友慶祝，商台節目噚日話汪明荃前晚同朋友舉行生日會，除咗男朋友羅家英着上西裝陪同阿姐現身外，陳志雲也到場祝阿姐生日快樂。家英哥同阿姐兩度被在場朋友要求接吻，第一次家英哥只係蜻蜓點水式錫阿姐塊面，第二次當阿姐準備切蛋糕時，佢哋就足足錫足十秒畀朋友影相，猶如接吻魚般，場面溫馨。