前晚獲世姐張梓琳撐場的MarcJacobs騷，同場還有莫文蔚（Karen），近日遭網民指不夠班演出奧運閉幕禮的她，前晚理直氣壯地說：「我係奧組委揀出嚟，唔係啲唔夠班嘅人，件事好似食咗死貓囉！好唔公平。」
「我唔做鬼祟嘢」
朱茵早前談到與舊男友間有第三者，更曾捉姦在床，曾經與朱茵合作的莫文蔚談到此事時，她說：「呢隻真係死貓，太離譜。我唔知朱茵講邊個，但一定唔係我，我做人光明磊落，唔做鬼祟嘢，嗰時劇組好多人，仲有其他女演員，仲有其他人，但唔係我，好寃枉。」
對於朱茵指當年有女星敲其男友房門，莫文蔚並無動怒，反而不厭其煩詳細解釋當年拍戲的住宿情況，她說：「我係去拍戲，唔係搞男女關係，加上我媽咪係陪住我拍，我唔會做第三者。」
採訪：梁錦雯
攝影：仇志德