尊尼組合V6成員岡田准一同日本女星蒼井優自05年合演劇集《虎與龍》傳出緋聞後，噚日出版嘅日本雜誌《FRIDAY》終於偷拍到佢哋喺雨中浪漫拍拖，之後再到蒼井嘅香閨度春宵，令到呢段地下情浮上面。雖然唔少網友都大讚兩人外形合襯，但噚日尊尼事務所忽然自爆V6喺今個月初舉行完大阪演唱會後，成員嘅歌衫被全部燒毀，似乎想趁機轉移fans視線。