關智斌（Kenny）、SunBoyz'與JJ賈曉晨前晚在奧海城出席電影《花樣男子Final》首映禮，幾位男生穿上禮服重演戲中的花樣少男追求女仔的場面，而這個幸運女子就由JJ來扮演，想不到JJ開心到想擁抱Kenny，嚇得男方彈開，事後他解釋說：「台下有咁多fans，你哋想我走唔到呀？」
命配肥仔
JJ就坦言很喜歡俊男，只可惜早前麥玲玲為她看相，指她跟俊男無緣，將來其對象會是一個肥胖的大鼻子男，有記者問她這個胖子會否是無綫節目監製錢國偉，JJ說：「應該冇咁恐怖啩！我聽麥玲玲講完，真係好抗拒肥男仔，我嘅夢想梗係搵靚仔啦，不過之前我都同靚仔拍過拖，仲俾佢傷得好厲害，嗰段時間我都唔想出門口，呢段日子唔易過。」
採訪、攝影：張俊銘