是非纏身的江若琳，日前與助手到日本青森縣拍攝外景，到果園摘蘋果和參加夏祭，暫忘煩惱。趁空檔逛街時，竟有星探上前搭訕，由於言語不通，江若琳禮貌地報以微笑和說多謝，但了解過才知星探想發掘她做AV寫真女郎，她事後獲悉即十分尷尬。
江若琳日前跟隨無綫攝製隊到日本青森縣拍攝特輯，有機會離開香港這個是非地，到郊外呼吸新鮮空氣和親手到果園摘蘋果，她心情輕鬆又愉快，笑容都份外燦爛。
一口氣吃10蘋果
行程中最搞笑是江若琳在日本街頭被當地星探邀拍AV寫真，她斷然拒絕，卻弄得啼笑皆非，她說：「有一日我同助手行街，忽然有個男人走埋嚟猛同我講日文，我唔知佢講乜嘢，為咗禮貌同佢笑住講『阿呢格多』（日文多謝的意思）。」工作人員聽後火速拉江若琳行開，然後解釋該星探欲找她拍AV，江若琳事後說：「諗番起都好尷尬，我諗有時間真係要學番幾句日文傍身用。」
江若琳又獲安排到果園親手採摘蘋果，她如馬騮般好身手，不停攀高爬低，穿插果樹之間，其間她邊摘邊偷食：「嗰啲蘋果好新鮮好清甜，我又飲咗蘋果汁，真係好好味。」雖然有云「一日一蘋果，醫生遠離我」，但貪食的江若琳竟一口氣吃了10個，食量認真驚人。
參加夏祭送幸福
此外，貪靚的江若琳換上日式浴衣參加夏祭，因為衣服上掛了一串代表幸福的啷啷，走在路上時，忽然有一名日本女子走上前搶去江若琳衣服上的啷啷，她嚇了一跳，並說：「我之前仲以為係搶嘢，後來知道串啷啷原來有特別意思，雖然係俾人搶走幸福，但掉轉諗，可以將自己啲幸福送畀人都OK。」
採訪：比華利
