【本報訊】面對白頭人送黑頭人，前日在赤柱慘遭老樹砸死的19歲少女莊頌賢，她的父親莊堅琪醫生昨日帶着悲傷沉痛的心情，如常在銅鑼灣的醫務所應診。莊醫生面對到訪的記者強忍眼淚說：「棵樹冧落嚟，砸到人哋都冇乜事，唔明點解會砸到佢（女兒）變成咁……」但當他遇到好友到來慰問時，終於無法忍住內心的痛苦，兩人相擁放聲痛哭起來，莊醫生堅強地不停的說：「我冇事，我冇事！」
父不追究賠償
「按道理棵樹冧落嚟速度應該好慢，唔會一下就砸落嚟㗎，咁啱佢又行到嗰度，呢啲嘢真係冇辦法。」擅長做直腸癌手術的莊堅琪，昨日在其醫務所門外，語帶沙啞地向記者說：「追究賠償？我哋又唔需要。錢？我哋有大把！」記者深深感受到他內心的說話，試問錢又如何換回心愛的女兒呢？
昨晨10時，莊醫生兩眼通紅，神情哀傷地返回醫務所應診，不久他往洗手間時剛巧在電梯口碰到前來慰問的好友，兩人眼神一接觸，莊醫生即撲上前擁抱好友痛哭，好友不停輕拍他背部安慰說：「點解搞成咁，我上星期先同佢（頌賢）講緊笑！」據說頌賢志願是當牙醫但未被港大牙醫學院取錄，這位世叔伯上周向她開玩笑說：「你讀商科仲好啦，啱你性格。」
莊父和胞姐是港大醫學院畢業生，頌賢剛考入港大，原本可以與父姐成為校友，可是如今卻變成了天人永訣。頌賢姐姐昨陪同母親到殮房認屍後，母女二人坐在地上泣不成聲。