意甲勁旅羅馬啱啱簽入法國超新星文尼斯，滿以為冲喜之際，點知喺意超盃正式復出嘅「王子」托廸，日前又驗出足踝傷患復發，無緣開「咧」戰主場鬥拿玻里！大件事，托廸出師未捷身先死，求大俠唔係杞人憂天，佢自從拎咗金靴獎後就未行過好運，去季經斷斷續續唞咗一段時間，連喺超級盃呢啲半友賽都可以整傷，實在戥「馬」迷擔心！